Chna yung ki chiphai ha ka tyllong um wa saam um cha ka sor Shillong: T.W. Chyne

Shillong : U Symbood Montri Rangbah ka jylla uwa pait ya ka tnat khyndaw, u Dr. R.C. Laloo da pyntip u hapoh ka yungdorbar wa ya ka dorkhat kawa yatoh wa i ekti ya i thaw cha ki chipai ha tyllong um ha Lawsohtun dang puræ bniah daka tnat aiñ næ ka Law Department ka jylla.

U Dr. Laloo da jubab u hadien wa wanrah u MLA ka Sohra u T.W. Chyne ya kani ka phang ynne ka sngi hapoh ka yung dorbar.

U Dr. Laloo da ong u wa ka sorkar ka da leh ko ya kani ka takit hadien ba la mih ka hukum na ka yung bichaar (High Court).

“Ka dorkhat hei yatoh wa ini da phah cha ka tnat aiñ yow pait bniah ya ka” da ong u Dr. Laloo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha chwa kani u MLA ka Sohra da ong u wa katkam ka hukum wa pynmih ka High Court ha u snem 2007 da phah ya ka sorkar wow pynman ko ya ka takit yow pyn sakhiat wa lada ka thaw wa em ha Lawsohtun toh næ ym toh ka tyllong um wei lada toh ka tyllong um haap pynsangeh yei e kti ya i thaw cha ki chipai.

“Ka tai ka thaw kawa ki chipai chna yung ki toh ka tyllong um wa saam um cha kylleiñ ki thaw ha sor Shillong. Tangwa da sniaw lyngoh wa ka sorkar ym leh ko iyi iyi leh wat hadooh wa da dep pynmih hukum ka yung bichaar” da ong u MLA ka Sohra.