Da u: Refil Sari
San Kur San Kmai da booh da seiñ ya ka,
Yei pyrtuid i naam ka chnong Mukhla.
Ka chnong wa em parom nadooh nachwa,
Hapoh u pood ka ri India.
Chnong Mukhla toh ka chnong wa em i naam,
Ka chnong kawa biang u pood u saam.
Ka chnong kawa heh kawa kmai,
Kawa da kyrkhu kyrpang da u Blai.
Ka nan Thadlaskein wa ki moobynna,
Kiwa booh sahnaam u warim ha chnong Mukhla.
Ki Khloo Langdoh wa ki thaw wa kyntang,
Ha chnong Mukhla kini waroh da emlang.
Block Thadlaskein, MLP wa ka JNV,
Kini waroh ha chnong Mukhla em ki.
San Waheh Chnong wa em ha ka,
Kiwa pait yei suk i saaiñ ki khon ka chnong Mukhla.
U MLA wa u MDC,
Ha chnong Mukhla pyn-ar em ki.
Ki nong kyntu ki nong kynrong,
Yow suk yow saaiñ ki khon ka chnong.
Kyrkhu khyrdoh ya i aa Blai,
Yow im suk im saaiñ i chynrang kynthai.
Yeiwa sih wa roi kyrriah cha jngai,
Cha jngai neini na sla pyrthai.
