U Director of Health Services (MI), u Dr. Aman Warr da ong u wa lada ki paidbah kwah ki wow hiar noh yei em i yabi u khñiang khlam COVID-19, toh u man ki kiwa em yei kitkhlieh na idæ, wei ym yahap wa man-i-por ka sorkar lyngba ki bor District wa ka chnat i chait i khiah u yaklam klam ki ya i jooh chi i jooh ya iwa ki paidbah da tip ki.
Hawa yatoh wa i e tika yada COVID-19, da ong u wa chong hei sñiawthooh yong kiwa chong chnong, neibhah kamwa man katni, du i tika wa ye u yada wow pynlait ya i chah ktah ha u khñiang khlam.
Da ong u wa katni chong hei sñiawthooh ki paidbah, lada u ngait ki ya ki Doctor kiwa da tip næ ya ki bru kiwa batai khlem da tip, deiwa pynrap wa i e tika ym toh iwa da pynbor ya uwon uwon, tangwa neiliang ka sorkar kwah ko wow pynche cha ki paidbah wa du i e tika wa ye wow yada ya kiwa chong chnong wei wow yarap ya ki wakreh ha ka chnat i chait i khiah.
