Ka yakhun Final ka FIFA World Cup ynnin da man ko kawa sahkynmoo ya kiwa yoh u sakhi ka ha kylleiñ ka pythai kamjooh hapoh ka jylla heiwa da em boon ki chnong, ki dong kiwa da pynyoo ya ka Live Telecast ha ki Screen wa heh wei yeini leh da leh ha chnong Ummulong heiwa da man ko kawa chongchit bha.
Ha Ummulong ya ini yeini da leh ha madan Khawang Ummulong da ki khynroo ka NPP Ummulong heiwa da wan da ki hajar ngut wow sakhi ya kani ka World Cup Final wei da emlang leh ka Bonfire yow pynchit ya ki paidbah deilang wa i dih cha paidbah ha katai ka madan.
Hawa e yei klam, neiliang u President wa u Secretary ka NPP Youth Wing Ummulong, u Banker Siangshai wa u Rikio Shylla da ong ki wa kani ka yalang ym toh neibynta i pynbiej Election, da leh yeini yow pynkmen ya ki khynroo heijooh i por leh kam wow e mynsien ya ki khynroo wa maya bol kamjooh leh yow wanrah yei ya jooh ya jan wei yatylli hapoh ka chnong ka thaw hanlada em jar jiar ki Party.
