Jowai: Ka chnong Tuber Kmaishnong ynne ka sngi da pynman ko yaka pynkupburom ya u Ribait Phawa uwa man u khynnah uwa yoh yaka naam ka burom naka sorkar India kamjooh leh naka jylla Meghalaya yong i deiwa jop yaka yakob Space Quiz wei da chah jied u wow lai ya embynta lang chirup wa u Prime Minister ka ri India yow sakhi yei hiar Bnai u Chandrayaan-2.
Ha kani ka sngi pynkupburom da wan sakhi lang da u montri ka jylla u Kyrmen Shylla, hei synran lang u Francise Swer uwa man leh u bru wa pawkhmat ka thaaiñ Khliehriat, u Yas Shylla u payu u MLA, deilang ki bru wapaw khmat ka thaaiñ ka chnong wei kamjooh leh ki para jan chnong jan thaw waka KSU Jaiñtia Hills.
Da wan sakhi leh daki khynnah skur wa kiwa sikai ki skur waphær waphær kiwa em haka chnong Tuber wei da wan sakhi lang kiwa sikai u Ribait na Ramakrishna Sohra.
Da yoh yaka rwai pdiang sñiawbha naka Tuber Wah Shnong Club kawa da pynkhreh kyrpang neibynta yong oo.
Da yoh yaka pynkupburom naka chnong kamjooh i e sñiawwbha naka chnong, na u MLA u K. Shylla, u Phransis Swer wei da yoh leh chiboon ki e sñiawbha ya u Ribait naki paidbah yong ka thaaiñ wa naka KSU Jaiñtia Hills.
Da pynlai yaka yalang da u waheh chnong Tuber Kmaishnong u Jiedlang Sana wei wa da yoh leh yaki ktien e khublei na u Secretary chnong u Micky Lyngdoh.
Ini toh katkam wa pyllait khubor da uwa e buit ka VDP, u Wanthmu Phawa.
Discussion about this post