Chongchit ka chaad Carol Christmas ka Balang Katholik Mihmyntdu

Jowai: Ka Balang Katholik Mihmyntdu ynne da pynem warom ko ya ka Christmas yong uni u snem heiwa da em chwa ka Mass Eucharist heiwa u Fr. Rev. Ebormitre Lamare da pyndep u kam u Nongknia Rangbah chirup wa u Fr. Williams na Bosco Pnar.

U Rev. Ebormi heipor lehniam yong ka Mass Wakhooid da pynche u yei yumut yong kani ka sngikha u Jisu Krist cha ki paaid para wa ngait.

Heipor nohchariñ ka sngi won da yoh ki khon ka Balang u pyndap ya ka sngi wa kmen da ka chaad Carol ya kawa da yahkhmat da u waheh ka Balang u Carmel Suchiang wa u Demitrus Nongtdu.

Ya kani ka chaad Carol da sdang na Yungmane deiwa lai uiñ soodong ka chnong wei da pynkut won ya ka pyn ha Yungmane hi.