Jowai : Da ki riam angel ki khynnah, riam Santaclaus, i riam kam ki bru wa stat wa wan sakhi yei kha ya u Jisu kamjooh wei saam swit mit cha ki paidbah, ka Balang Presbyterian Jowai ynne ka sngi da pynman ko da ka Pre-Christmas Carol hapoh i yahkhmat ka Jowai Christian Endeavour Society, Jowai Presbyterian Church.
Ya kani ka uiñ Carol da sdang nadooh na khmat yungmane ka Balang Jowai wei da lai lyngba ka Loompyrdi Iongpiah, Tpep-pale, Wahnangbah, Iawmusiang, Chutwakhu wei da pynkut ya ka hei thaw wa sdang ko.
Da wan chim bynta chongchit ha kani ka Carol da kiwa heh kamjooh kiwa khynnah hei synran ki tanghæng wa pynsawa ya ki sur Christmas wei da saam ki khynnah ya ki swit mit cha ki paidbah kiwa wan paitke chongchit ya kani ka Carol.
Ha kini ki sngi wa da dep leh da sdang boon kiwa lai uiñ Carol heipor miet yow e wyrta ya ka sngi wa kha ya u Jisu Khrist.
Discussion about this post