Ka Jingiaseng Samla Balang Latyrke ha ka 17 tarik da pynman ko ya ka Christmas Carol hapoh ka Balang.
Hachwa i sdang ya ka Christmas Carol da pynman ya ka yaseiñ duwai hei ya emlang u Pastor Rev. M. Shylla, u Rev. H. Sutnga wa u Tbn. L.C. Ryngkhlem wa ki Tymmen Wasan yong ka Balang wa kattu katni ngut ki waheh kam u L. Shylla wa u B. Shylla.
Da yoh leh i klam na ki kattu katni kam na u Rev. M. Shylla uwa da ya ki kyntien waiphang iwa da pynbood sa na u Pastor In-charge yong ka Balang, u Rev. H. Sutnga wa u Tbn J.W. Bamon.
Lyngba kani ka Christmas Carol ka Jingiaseng Samla Balang Latyrke da kitbok kitrwiang ko ya waroh wow lehkmen sñiawbha Christmas deiwa kynmoo yei wan manbru u khon u Blai cha ka pyrthai.
Ha kani ka Christmas Carol da em da ki hajar ngut ki khon yong ka Balang kiwa da wan cha kani ka lai Carol.
I lai Carol yong ka Jingiaseng Samla Balang Latyrke da man ko kawi na kiwa rap phær wei chongchit bha man-u-snem.
Da pynchongchit leh ha kani ka sngi da ki rwai wa i chaad waphær waphær na ki Jingiaseng Samla wa Jingiaseng Khynnah yong ka Balang.
