Ka Common Platform yong ka 18-Jowai North Constituency neibynta ka Election MDC 2025 cha JHADC wa da pynman da ka Dorbar Chnong Tympang Iawmusiang Jowai hei janmiet ka 17 tarik da man ko kawa chongchit ha ka kynta pynyoo nia wei jubab mar kylliang ki 4 ngut ki kyrtong deiwa thapkti kyriaw ki paidbah wa wan ap wan sñiaw cha kani ka rynsan yalap Election.
Da wan wow chimbynta da waroh ki 4 ngut ki kyrtong ka Jowai North wa kynthup ya u Dr. D.I. Kjam kam u kyrtong ka NPP, u Khroo Lamsalanki Pariat kam u kyrtong samen, u Marki Mulieh kam u kyrtong ka UDP wa u Awhai Andrew Shullai kam u kyrtong ka VPP.
Yow jied ya uwa klam nyngkong, wa ar, wa le wei wa soo da leh deiwa pynkhle nasib heiwa u kyrtong ka NPP da yoh u wow klam nyngkong, wa ar u kyrtong samen, wa le u kyrtong ka UDP wei hei wa soo won u kyrtong ka VPP.
Kini ki kyrtong hadien wa dadep pynsñiaw ki ya ka yurim wa ka thong wa mih yakhun ki ya kani ka Election MDC, deiwa paan leh i kyrchaan na ki paidbah wow jied ki ya ki kam u MDC, da e laad leh ya ki sa ka kynta wow jubab næ pynyoo nia ki yeiwa klam yong ki para wa yakhun wa sñiaw emkaam ki wow jubab.
Ya kani ka Common Platform waroh ye phi wow pait hein ha wah:
Discussion about this post