Jowai : Ynne ka sngi da yoh u sakhi ya ki hajar ngut ki paidbah kiwa da wan yachimbynta ha ka Chaad Sukra ka Raij Jowai wada sdang nadooh ynnin i miet da ka lehke Drama ha Yungwalieh ka Dorbar Chnong Panaliar.
Hei step ynne ka sngi ha Myngkoi Pyrdi, Loompyrdi Iongpiah, da wan u ma David Nongrum da man u kam u Kongsan ha i yachem step.
Hadien kani ka yalang tbian da em ka program chaad na ki khon ka Raij Jowai kiwa kynthup leh ya kiwa nabar ka Raij kam na ka Seiñraij Ummulong, Shillong, Sengkhasi Pynursla wa kiwi kiwi.
Hadien ini da em ka lai paidbah chirup wa ki sur ya kawa da tip kam ka Mih Yaw na Myngkoi Pyrdi cha Iawmusiang heiwa da pynkut yei lai paidbah haphrang ka Jowai Police Station wei da pynbood da ka yalang wa tbian.
Ha kani ka yalang wa tbian u Lat ka Jylla Meghalaya u V. Shanmuganathan da man u kam u kongsan uwa da sakhi ya ka lehkmen Chaad Sukra.
Hadien ka yalang da yoh biang u sakhi ya ki chaad wa boon rukom na ki khon ka Raij kamjooh leh nabar kam na ka Sengkhasi (Sengkmie) Mawkhar, na ka Seiñraij Pamrapaithlu, Mukroh wa kiwi kiwi.
Katwa heimiet won heipor kamwa 7:30 daw em biang ka program Ka-it-kasar ha Myngkoi Pyrdi.
Discussion about this post