Ka lehkmen ya ka sngi Christmas ha uni u snem ha Jowai da man ko kawa chongchit hanla man ka sngi kawa kjam deiwa mih ryntih ki paaid Christan hadien wa pynkut ya ki yaseiñ pyrdi sngi ki Balang wa em ha Jowai yow lai chaad Christmas namo ka Christmas Carol.
Ka lehkmen toh kawa da pteiñ nadooh i miet ka 24 tarik heiwa da pynman ya ki thang Bonfire wa ki lehkmen da ki rwai, ki chaad kamjooh i man yaseiñ da waroh ki Balang wa em hapoh ka chnong Jowai kamjooh ki chnong wa em chajan kam ka Mihmyntdu wa kiwi de.
I yangmiet leh da man i iwa chongchit heiwa ki khynroo ki khyllood ki Balang da wan e ki ya ki rwai wow kynmoo kyrpang ya ka sngikha u Jisu Christ wei ha ka Balang Catholic Jowai da pynman leh ya ka Mass Wa Khooid.
Ynne ka sngi Christmas won deilang ki tanghæng wa sawa da ki sur rwai lehkmen Christmas wa da pynkhreh da ka Balang Presbyterian Jowai, Balang Presbyterian Mynthong, Balang Presbyterian Khimusniang, Balang Presbyterian Thadlaboh wa Balang Catholic Jowai da pynman yei lai chaad Christmas dei chimbynta da ki hajar ngut deiwa lai kyllieñ ki dong ka chnong Jowai.
Da em leh kiwa riam kam ki Santa Claus kiwa da saam Sweet Meat cha ki paidbah, da em leh ki khynnah wa riam kam ki angel deilang i chaad chonghit ki paidbah.
Kani da sngi da man ko leh kam ka laad wow yachem wa ki lok ki jor ki wym jooh em yachem de da slem kiwa da liwan yung hadien wa da lai puræ, lai kreh ki cha ki chnong wa jngai na yung.
Neiliang waroh i ha u WYRTA leh chim biang i ya kani ka laad wow e khublei Christmas wa suk wa kmen phi ya phi waroh.
