Iwa da man kam ka dustur kamjooh kam ka tamasa, ka lehkmen kut snem yow e khublei ya u snem warim wei wow pdiang ya u snem thymme ha Jowai da man ko kawa chongchit bha ha uni u snem deiwa ya mih ki phaw hajar ngut kiwa chong chnong da jar jiar ki dong ki chnong.
Ka lehkmen kawa da sdang nadooh i miet ka 31 tarik da pteiñ ya ka ynne deiwa pynman baam doh kut snem ha jar jjiar ki dong ki chnat iwa da pynkhreh da kiwa chong chnong hi da ki jait baam wa harukom.
Da em leh i ngooh Blai yow yoh ya u snem thymme wa kmen wa suk wei da pynkup burom leh ya ki khon ki chnong ki thaw kiwa da wanrah burom wei kiwa da lehbha ha ka puræ puthi.
Da song ja leh ya kitu kiwa kjut wa chitom ki wym yoh u wan kamjooh cha ki yung ki sem kiwa dang dep wa em kiwa khlaad.
Hadien wa pyndep yei baam doh, da pynman sa ka lai chaad kut snem deiwa tem ki sur wa pawnaam nadooh kiwa da rim kamjooh kiwa thymme iwa da pynchaad pynkmen ya ki paidbah kiwa da kmen da risa, kiwa da rwai lang wei kiwa da chaad chongchit.
Neiliang ka Synjuk Waheh Chnong Jowai deiwa ya krehlang wa ka District Tourism Promotion Society da booh ko ya ka rynsan ha Iawmusiang heiwa kawi pa kawi ka dong ka chnong Jowai da wan ki wow skit wei wow pynyoo katwon man chongchit wei phooh phieñ i lehkmen kut snem.
Waroh da em 17 tylli ki dong ki chnong kiwa da wan wow chimbynta.
Discussion about this post