Jowai : U Prof. R.C Laloo ynne da pynhær u ya ka Lama India hei lehwarom ya ka Republic Day wa 67 ha madan Jrisalein.
23 tylli ki dhab da leh March-past ki ha kani ka Republic Day kiwa kynthup ya ka Jowai D.E.P MLP, 3rd MLP, District Home Guard, Jowai, NCC Thomas Jones Synod, Bharat Scouts & Guides, Pipe Band-Central Training Institute Civil Defence & Home Guards, Shillong wa 18 tylli na ki skur kam ka St Mary Mazzerello Higher Secondary School, Jowai kawa da yoh First Prize, Second Prize cha ka Jowai Public School katwa ka Third Prize cha ka North Liberty Higher Secondary School, Jowai.
Da pynyoo leh ya ko kari kiwa da tip kam ki Tableaus na ki 14 tylli ki tnat sorkar hapoh ka District heiwa da pynyoo ya ki kaam wa ki skim yong ki. Ha ini i pynyoo rong kari ka First Prize da lai ko cha ka District Commerce & Industries Centre Office, ka wa ar cha ka District Basin Development Unit, Jowai wa ka Soil & Water Conservation Office katwa yei naam wa le cha ka Horticulture Office.
U Dr. RC Laloo hei klam yong oo da e khublei Republic Day u ya waroh wei da khana ya ki kaam wa da jop weiwa da kreh da ka sorkar jylla. Da khana u wa ka sorkar da ye ko leh u wanrah chiboon i suk i saiñ khamtam ha Ri loom Garo.
Heijooh i por da ong u wa neiliang ka sorkar dang yaklam ko wa ka Sorkar Assam hei yatoh wow pynbait noh ya ki kaam khappood.
Da pyntip u leh wa daw booh ya ki Degree Engineering College ha Ampati wa ha Jowai wei da phah tyrwa leh wow booh kawi ka kolej ha Shillong.
Da yoh leh ya ki rwai ki chaad na ki khynnah wa ki waheh yong ki skul wa ki dong ki chnong wapher wapher ka Jowai.
Da pynman leh ya ka slow cycle race ha madan Jrisalein. Wa ka Under 12 Football Tournament ha Kiang Nangbah Stadium.
Discussion about this post