Ka Khynroo Khyllood Committee chirup wa ka Women Welfare Organisation ka Dorbar Chnong Panaliar ynnin i janmiet ka 9 tarik da pynman ki ya ka Musical Evening hajrong ka phang “A Blend of Legends and Budding Artists” ha Yungwalieh ka Panaliar, Jowai.
Ha kani ka janmiet u Montre Passah, SDO ka PHE, East Jaiñtia Hills da man u kam u kongsan.
ADVERTISEMENT
Hawa e i klam ha kani ka janmiet, u Montre Passah da yaroh u ya kiwa pynlai ya kani ka tamasa wei da kitbok u leh ya ki wow tia ki chaphrang ha ki kaam yong ki.
Kani ka janmiet da man ko kawa chongchit heiwa da rwai ya ki sur kiwa rim na ki khloor wa kynthup ya ka Indira Shullai, ka Chalet War, u Wingstone Rymbai, u Anthony Challam, u Lenar Phawa, The Mystique wa kiwi kiwi.
