Jowai: Kamwa jooh pynman ha kiwi ki college, ka Thomas Jones Synod College ynne ka sngi da pynhaap pyrda ko ya ka tayaw lehkmen namo ka ‘College Week’ yong ka kawa da pynman hajrong ka ka phang “Be the Light and Shine on” kawa sdang nadooh ka 18 tarik u Khonchonglad.
Da wan wow sakhi lang ya ka College Week da u Bantei Kharshandi, Nodal Officer Basin Development Unit West Jaiñtia Hills kam u kongsan, hei emlang ka Principal warim ka Sohra College ka M. Jungai.
Da pynchong chit ya kani ka sngi deiwa wan chimbynta kiwa puræ ka Lady Keane College Shillong, Ummulong College wa ka Shangpung College.
U Bantei Kharshandi kam u kongsan hei klam yong oo da yaroh u ya kiwa sikai kamjooh ya waroh kiwa puræ ha ka Thomas Jones Synod College deiwa ong wa ka College Week toh ka wi na ki laad wow yoh myntoi kiwa dang puræ yow pynyoo ya ki saap yong cha lait ki karma sikai.
Da pynphooh pynphieñ chooh chooh ya ka kani ka sngi da ka ki rwai na kiwa jop ha ki yakop waphær waphær kiwa da pynman ha ki sngi wa da dep kam ki yakop rwai tynre, ki yakop rwai ki dhab wa boon hadooh kiwa rwai samen.
Da em leh ka saam khusnaam cha ka Lalmimsawi Songate kawa yoh yei naam Topper haka Class XII Arts da ka khusnaam Late Tbn. Dr. Amplias Syngkor Memorial Award kawa saam da ka M. Jungai.
Da pynkut ya ka College Week da iwa yang angnood waroh ya ka yakop miat kynthai wa i bha chynrang wa tip kam ka King and Queen 2016.
Yei naam ‘Queen’ da rah da ka Cathelyne Rapthap naka BA 2nd semester (Honour English) wa u Cherister Tyngkan naka BA 2nd sem (Honour English).
Discussion about this post