Ka seiñ kynthai namo ka Women’s Wing ka Kur Passah Jowai (Pohchnong) kam chibynta wow pynku ya ka yarong poisa ka kur da pynman ko ya ka yaaw dai baam namo ka Food Fest Cum Mini Lucky Draw ha ka 23 tarik ha Yungwalieh, Loomiongkjam, Jowai.
Ha kani ka sngi u CEM ka JHADC, u Thombor Shiwat da man u kam u kongsan katwa u Dolloi ka Elaka Jowai, u Puramon Kynjing da man u kam u symbood kongsan.
Ya ka yalang da pynlai da ka Finland Passah, Vice Chairperson ka seiñ wei da yoh i kyntien ngooh Blai na ka Dathrang I Passah.
Hawa e yei klam, u Puramon Kynjing da yaroh u ya ka kur wa da ye ko u pynlang pynlum kamni wow pynman ya kani ka yaaw kawa pynyoo leh ya i yatylli ki khon ka kur Passah.
Neiliang u Thombor Shiwot da e khublei u ya ka Women’s Wing wa pynman ya kani ka Food Fest wei da ong u wa ki manbei man ki ka bor wow wanrah ya i bha i miat ya ki khon ki kti, ka manyung wa kamjooh leh ya ka kur.
Kiwi kiwa da klam ha kani ka sngi kynthup ki ya u Wanpoi Passah wa u SK Lato.
Ya ka yalang da pynkut da ki kyntien khublei na ka Samandaka Passah kawa man ka Chairperson ka Women’s Wing.
Kani ka yaaw da man ko kawa chongchit heiwa ki baam wa da pynkhreh da ki khon ka kur da lut ki wut-wut.
Ki Ticket wa jop ya ka khle nasib namo ka Mini Lucky Draw man ki kamni hawah:
1st Prize- 3593
2nd Prize- 7017
3rd Prize- 5717
Discussion about this post