Chongchit ka yachemlang ka Seng Derew I War, Jowai ynne ka sngi

Jowai : Ka seiñ khynroo ki War wa sah ha Jowai wa tip leh kam ka Seng Derew I War, Jowai ynne ka 1 tarik da pynman ki ya ka sngi wa kyrpang heiwa da wan sakhi ki War wa sah ym du ha Jowai wa kamjooh kiwa na jngai ya ka Get Together wa da pynman ha District Library Auditorium, Mynthong, Jowai.

Kani ka seiñ toh kawa sdang nadooh ka 02.08.14 wei da dep tipmit ya ka katkam ka aiñ The Societies Registration Act, 1860 ha ka 02.08.16 wei da seiñ ya ka ha ka nongrim wow kreh kaam neibynta ki War wa em ha Jowai ym du kiwa lai puræ kamjooh kiwa da khih da khan.

Ynne ka sngi leh da pyntipmit paidbah ya kiwa krehkaam thymme ka seiñ kiwa em 15 ngut wei da pynbna leh wa em 100 ngut ki dkhot kani ka seiñ.

Ha kani ka sngi kam wow leh burom leh ya ki khynnah puræ wa poi cha khmat ha ka SSLC wa ka HSSLC da saam ya ki certificate kam ka dak sñiawngooh yeiwa leh bha ki ha ki exam ki. Da leh burom leh ya ki dkhot ka seiñ wa e snaam sñiawbha kamjooh ya kiwa da pyndep ya ka Course MS-Office kawa da kyrchaan poisa da u Stephenson Mukhim, MLA ka Amlarem Constituency.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U ma Stephenson u wa man leh kam u kongsan ha kani ka sngi da ong u wa hanlada em ha kiwon kiwon ki chnong wa jngai na i yung khamtam kiwa lai puræ puthi ym hoi u mylliñ u wanrah ya i burom ya ka yung ka sem kamjooh ya ka jaitbru.

Ha wa kut ka yalang da pynchong chit ya ki paidbah da ki rwai ki chaad na ki khynroo khyllood hadooh ki khynnah kiwa pynyoo ya ki sap yong ki.