Ka Annual Sports Day wa ar sngi yong ka Chankylliang Evergreen LP School Mooshrot, West Jaiñtia Hills District da pynkut ka ha ka 21 tarik uni u bnai dei chimbynta chongchit ki khynnah skur ha ki jait yakob yaleh Sports waphær waphær.
Ya kani ka yaleh Sports da pynman ha madan yong ka chnong hi, heiwa ki jait yalehke kynthup nadooh i yakob phet pyllah ha i jrong waphær waphær, neitæ ka Sack Race, Cock Fight, Tug of War, Balloon Popping wa kiwi.
Uwa seiñ yong ka skur, u Chanky Lyngdoh hawa embynta wow wai ya kani ka lehke Sport kyntu u ya ki khynnah skur wow chimbynta bha ki ha ki jait yalehke najrong wa pynsñiaw u leh hajrong i emkaam u embynta ha ki jait yalehke wa boon jait neibhah yarap ko u pynyoh i chait i khiah ha u bru samen.
Ha kani ka Annual Sports Day nadooh u Headmaster ka skur u Sanladky Lyngdoh, kiwa sikai, ki bei ki pa da ya sakhilang ki yow e mynsien ya ki khynnah skur wa chimbynta.
Yei naam Overall Champion da jop da ka Yellow House, yei naam First Runner-Up da yoh ka Red House katwa ka Blue House won da yoh ko yei naam Second Runner-Up.
Discussion about this post