I chong yang miet yow pdiang ya u snem wa thymme ha chnong Jowai da man ko kawa chit ha kiwa boon ki dong ki chnat deiwa thang ya ki Bonfire deilang ki chaad ki rwai, i ah Cake kut snem kamjooh i pynkup burom ya ki para wa chong chnong.
Ki paidbah wa boon leh hadooh i miet ha tymbud luti ka Iawmusiang dang ya mih ki wow thied ya ki bomkala wa boon jait.
Neidaw wa ka 31 tarik man ko leh ka sngi Sunday, ki lehkmen leh rap duna ki neidaw wa slem u yoh u sdang wa hap u yang hadooh wa kut ki yaseiñ miet heiwa da em ki dong kiwa da pyndep yei thang Bonfire haka 30 tarik.
Hadien wa da kyrooh ki Bonfire da mih won leh wow lai chaad deilang ki sur e khublei snem warim wei wow pdiang ya u snem thymme wei da ya thang leh ya ki bomkala.
Da em leh i ya dih cha sñiawbha kamjooh i ya pynbna pynbait kaam ya ka baam doh kut snem haka 1 tarik.
Ynne ka miet da man ko leh ka laad yachem lok kamjooh yow ya e khublei snem thymme wa suk wa kmen uwi ya uwi.
Discussion about this post