Chongchit ki waheh wa ki khynnah ha Amlarem wa poi ka kule

Jowai : Hadien wa da yoh ya ka yutip wa da em kule wa wanpoi wiar ha ka chnong Amlarem ynnin ka 31 tarik da lai hiar ki bor ka Wildlife hapoh i yahkhmat u ma Shanskem Passah u Range Officer, Jowai Wildlife Range da hiar ki cha kani ka thaw yow sylli ya ka.

U WYRTA da hiarlang u wa kini ki bor wildlife yow yoh yutip wakham bniah. Manda poi ha Amlarem da chem ya u kule ha Krangpamchadong heiwa kani ka kule da kdoh ya ka ha yung u ma Kriang.

Kani ka kule em ko da palat 4 snem wei man ko ka rong soo wei ym em iwon iwon i dak takha hei pran yong ka iwa pynyoo wa ye kani ka kule u man ka wym em tre.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hei yaklam wa u ma Heibormitre Phawa da ong u wa kani ka kule da em ko kattu 3 sngi tam wa da kdoh ya ka wei da chem wa psiah ko chapoh phyllooh masi.

“Kani ka kule man ko kawa baam katwa em ki jait phlang wei ka-it ko u baam ya ki sla chken weiwa da baam ko leh wei ja” da ong u ma Phawa.

Hadien ini da pyntip ki bor ka wildlife wa daw chong pyrkhat ki hei yatoh wa kammon u leh ya kani ka kule da ong wi lada ym em wa wan kam ya ka, ye kiwa chem ya ka u kamtre ya ka wei da kyntu leh wa ym hoi u pynemkaam næ pynkreh ya kani ka kule.

Ki khynnah wa ki waheh da wan poi ki cha kani ka yung yow yoh u pait u yoo ya kani ka kule.