Deilang wa ka ri waroh kawi, ha Khliehriat leh da lehkmen ya ka lyngkhooh snem yoh laitlooid ka ri namo ka 78th Independence Day ha ka yalang wa da pynman ha madan ka Khliehriat Higher Secondary School deiwa wan embynta lang u Symbood Montri Rangbah, u Sniawbhalang Dhar uwa da pynhær ya ka lama ka ri wei da chim u leh ya ka Rashtriya Salute neibynta ki 28 tylli ki dhab wa chimbynta ha ka Parade wa kynthup nadooh ki Meghalaya Police, Home Guards & Civil Defence, NCC, Scouts & Guides wa ki skur.
Kani ka lehkmen da man ko kawa chongchit wei chongkun deiwa chimbynta lang ki sahep sorkar, ki khynnah skur kamjooh kiwa chong chnong.
Ha kani ka lehkmen da saam leh ki khusnaam cha kiwa jop ha ki yakob (Cultural Items Competition) heiwa da yoh nyngkong ka Khaddum Cultural Troupe, hei wa ar da yoh ka KB Memorial Secondary School, Wapung katwa hei wa le da yoh ka Oxford Secondary School, Ladrymbai.
Ha ka March Past da yoh nyngkong ka Oxford Secondary School, Ladrymbai katwa ka JNV (Girls) da yoh wa ar ko.
Ha kani ka sngi da pynman leh ya ka yalehbol hapyrdi ki sahep sorkar wa kiwa sikai skur ka East Jaintia Hills District ha madanbol ka East Jaintia District Sports Association wa em ha Dienchynrum.
Da lai e sñiawbha leh cha kiwa em ha ki Shelter Homes ha Khliehriat wa ha 7Tyndai Child Care Counseling Centre, Tuber Kmaishnong.
Discussion about this post