Dei mynsien wa kmen, dei ya khublei kti, dei ya kdung, dei yachem lok warim da lehkmen ya ka sngi Christmas ha chnong Jowai heiwa ki hajar ngut da ya mih ki wow lai chaad Carol ha kylleiñ ki dong ki chnat ka chnong.
Ki Balang wa em ha Jowai kam ka Balang Presbyterian Jowai, Balang Presbyterian Mynthong, Balang Presbyterian Khimusniang, Balang Presbyterian Ladthadlaboh, ka Church of North India waka Balang Catholic Jowai kamwa da jooh leh man-u-snem haka sngi Christmas, ynne hadien wa pyndep ya ka yaseiñ sngi, da ya mih ki wow lai Christmas Carol deilang ki sur Christmas wa tem na ki kari wa bood lang wa ki.
Da ya synraan leh ya kiwa chaad da kiwa riam Santa Claus, ki kynnah won da em kiwa riam kam ki angel heiwa kiwa chi lok chi jor, kiwa ha-yung ha-sem da ya chaad lehkmen lang ki wei ki manbei manpa won wa em khon khian dei rah dei chdooh da ya chaad kmen deiwa rwai lang wa ki sur Christmas.
I por Christmas man i leh wow yachem wa ki lok kiwa da rim kiwa em cha jngai kiwa da yoh laad wow liwan ha kini ki por kamjooh kiwa ha-yung ha-sem kiwa kreh cha jngai da yoh ki wow ya emlang chi payu para, chi khon chi kti.
Ha jar jiar ki yung ki sem won da ya khut ya ki jan yung jan sem, ki lok ki jor wow ya wan dih cha wei baam ja sñiawbha.
I neiliang u Wyrta sa chisien e khublei Christmas wa kmen i ya phi waroh.
Discussion about this post