Ynne ka sngi Muchai ka 9 tarik man ko ka sngi wow pynkut ya ka lehniam Behdieñkhlam ka Raij Jowai heiwa dang step da pyndep ya ki bynta wa ki sarin yong kani ka lehniam na Yung Langdoh da ka kyntiñ Khnong wei da pynbood won sa i lai choh thyndai namo i chaad yung ha man la ki manyung hapoh ka Raij.
Ha Aitnar won chwa wow yoh ya i chaad wa i pynhiar ya ki rong ki rup, da tympat chwa ya ka Symbood Khnong neitæ won u ye u rah ya ki rong ki rup cha Aitnar.
Ha kani ka sngi u Lat ka jylla, u Phagu Chauhan da man u kam u kongsan hei emlang u Chief Justice ka Meghalaya High Court, u Justice Sanjib Banerjee, u Montri sorkar, u Kyrmen Shylla, u MLA u Adelbert Nongrum wa kiwi de.
Ha ki rot ki rong ha uni u snem da thoh ya ki kyntien wa yatoh waka imlang sahlang nadooh i pynemkaam Durgs, i dooh kreh, ka Reservation Policy wa kiwi kiwi.
Hadien ini da pynhiar won ya ka Khnong Blai wow yaknieh u tba ki khon ka Niamtre wow yoh ya i kyrkhu kyrdoh.
Ha uni u snem ka Seng Khasi leh da rah ko ya i rong yong ka na Shillong iwa man ka sien wa nyngkong dooh wow chimbynta ki kamni.
Ynne ka sngi ka lehniam da man ko kawa lai bait wa kawa chongkun chong Blai.
