Ynne ka sngi Muchai ka 3 tarik man ko ka sngi wa pynkut ya ka lehniam Behdieñkhlam 2024 ka Raij Jowai heiwa dang step da pyndep ya ki bynta wa ki sarin yong kani ka lehniam na Yung Langdoh da ka Kyntiñ Khnong wei da pynbood won sa i lai choh thyndai namo i chaad yung ha man la ki manyung hapoh ka Raij.
Ha Aitnar won chwa wow yoh ya i chaad wa i pynhiar ya ki rong ki rup, da tympat chwa ya ka Symbood Khnong neitæ won da pynhiar ya ka Dieñkhlam ka Bon na Rngad Wah neitæ ka Dieñkhlam na yong Langdoh ha Aitnar wei du hadien ini da wanrah ya ki rong ki rup cha Aitnar.
Ha kani ka sngi u Montri Rangbah ka jylla, u Conrad Sangma da man u kam u kongsan deiwa emlang u Montri ka chnat Tourism, u Paul Lyngdoh, u MLA ka Jowai, u Wailadmiki Shylla, ka MLA ka Sutnga-Saipung, ka Santa Mary Shylla deilang ki MDC, ki sahep sorkar wa kiwi de kiwa chah khut sñiawbha.
Ha ki rot ki rong da thoh ya ki kyntien wa yatoh wa ka imlang sahlang nadooh i emkaam wow kreh chitom, u yaleh pyrchah ya ki kaam baam tooh wa kiwi kiwi de.
Hadien ini da pynhiar won ya ka Khnong Blai wow yaknieh u tba ki khon ka Niamtre wow yoh ya i kyrkhu kyrdoh.
Ha uni u snem ka da em 13 tylli ki rot wa da wanrah ha Aitnar wa kynthup ya ki yong ka Seiñraij Shillong, Seng Khasi wa kiwi kiwi.
Discussion about this post