• About Us
  • Contact Us
  • Privacy Policy
  • Advertise With Us
  • Terms & Conditions
Wednesday, October 1, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home Culture

Chongkun ka Durga Puja ha i Mandir wa rim tam ha Meghalaya

Wyrta Staff by Wyrta Staff
October 1, 2025
Reading Time: 8 mins read
A A
0
Share on FacebookShare on Twitter

Ka lehniam Durga Puja yong kiwa ngait niam Hindu da pynman ya ka ha kylleiñ ka ri ka pyrthai wa kamjooh leh ha Durga Mandir wa em ha Nartiang, West Jaiñtia Hills kawa tip kam ka Maa Jayantee Temple.

Kani ka Mandir man ko kawa rim tam ha Meghalaya ya kawa da chna ha ki spah snem nachwa nadooh ki por ki Syiem ka Hima Jaiñtia.

Katkam i ngait Hindu, kani ka Mandir man ko kawi na ki 51 tylli ki Shakta Pithas namo ki thaw Kyntang ha kylleiñ ka ri India wa ki ri wa yajan wa ka.

Ha kani ka Mandir ya ka Durga Puja ym em leh kamwa leh chawi tawon heiwa da pynwandur ya ka Blai da ka Pachor wei da pynsem ya ka da ka sari, da ong u Oni Deshmukh uwa man u Pandit kani ka thaw.

Kiwa ngait niam Hindu na kylleiñ ka jylla da wan sakhi wei da wan mane ki ha kani ka Mandir heipor Durga Puja.

Hawa yaklam wa u Waheh Chnong ka Nartiang, u C. Myria da ong u wa i kaamram ka chnong toh wow pyntikna wa em i chongsuk wei i kaam niam da pait da u Dolloi ka Elaka.

Neiliang u Prof. (Dr.) Vijay Kumar Dwivedi, Director I/c NEIAH College, Shillong uwa wan sakhi ya kani ka lehniam da ong u wa da em chiboon i kylla ha kani ka Mandir na ki snem wa da lai wei da yaroh u ya ka sorkar wa da wanrah ko ya ki kaam pynroi ha ka nadooh ki thaw chong wa ki thaw pynyieñ kari.

Related posts

Wow yoh i bha i miat pyndep ka Raij Mynsoo ya ka lehniam Behdieñkhlam

September 16, 2025

Da pynthymme ya kiwa krehkaam ka Dorbar Chnong Chiliangraij

September 16, 2025

U Puja Coordinator ka Central Puja Committee, Shillong, u Dipak Singha Roy da ong u wa kani ka Mandir man ko kawa kyntang bha heiwa man ko kawi na ki 51 tylli ki Shakta Pithas wei i rukom lehniam heini man i iwa phær bha.

Ha kani ka sngi hapoh Mandir da sakhi ya ki manpa wa rwai wei choh ksiñ wa chæng chæng katwa kiwa ngait niam da wan e Prasad ki wei da yieñ ki da phaw ngut wa yang ya ka pali yong ki wow psiah hapoh yow ngooh Blai.

U Dolloi ka Elaka Nartiang, u Salong Lamare da ong u wa i kaam yong oo toh wow pyntikna wa lai bait ka niam wei wow pait yei wan e ya ki blang wa ki rapati ha kani ka sngi.

Ya i pynngam um ya ka Blai daw leh ya ka mynstep ka 2 tarik.

Dipak Singha Roy, Puja Co-ordinator CPC
Salong Lamare, Dolloi Elaka Nartiang
Oni Deshmukh, Pandait ka Nartiang Mandir
C. Myria, Waheh Chnong Nartiang
Prof (Dr.) Vijay Kumar Dwivedi, Dir. I/c NEIAH College, Shillong
ShareTweetSendShare
Previous Post

Pynsoohkpoh bru ka Cheque wa soi u Principal ka skur sorkar

Related Posts

Culture

Wow yoh i bha i miat pyndep ka Raij Mynsoo ya ka lehniam Behdieñkhlam

September 16, 2025
Culture

Da pynthymme ya kiwa krehkaam ka Dorbar Chnong Chiliangraij

September 16, 2025
Culture

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025
Culture

Pynskem Unit ka Seiñ Kur Suting ha chnong Moosakhia

August 31, 2025

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar