Jowai: Ynne ka Dorbar Chnong Wahiajer chirup waka ri waroh kawi da leh warom ko ya ka sngi laitlooid ka ri ynne ka sngi ha Madan Sahep, Wahiajer.
Ha kani ka sngi u Hermon Phawa, MDC ka Wahiajer da man u kam u kongsan wei da pynhær u leh ya ka lama ka ri hachwa wow sdang kani ka lehkmen.
Hei klam yong oo da pynkynmoo u yeiwa mut kani ka sngi wei da e yaroh u leh ya Wahiajer Celebration Committe kawa da ye u pynman ya kani ka lehkmen.
Ya ka yalang da pyllai da u Waheh Chnong ka Wahiajer u K. Shylla, wei da emlang leh u In-charge ka Ummulong Beat House u R. Syngkon chirup wa kiwa heh wa sian ka chnong.
Ha kani ka sngi da em leh ki March Past na ki skur kiwa em hapoh ka chnong wei da pynphooh ya ka sngi da ki lehke wa boonjait heiwa da wan sakhi da ki khon ka chnong khynnah wa waheh.
Discussion about this post