Deilang wa ka ri waroh kawi, ka jylla Meghalaya leh da lehkmen ko ya ka 74th Republic Day ynne ka sngi.
Ha nongbah ka jylla ha Shillong da pynman ya ka lehkmen ha madan Polo heiwa u Lat ka jylla, u Brig. (Dr.) B D Mishra (Retd) da pynhær u ya ka lama ka ri wei da chim u leh u ya ka salam kiwa leh March Pass wa kynthup ya ki CRPF, East Khasi Hills DEF, 1st MLP Battalion, SF10, Indian Reserve Battalion na Arunachal Pradesh, ki NCC chynrang wa kynthai, ki Indian Red Cross Society, ka Unitarian Higher Secondary School-Puriang, ka JNV-Mawphlang waka Brass Band ka Border Wing Home Guards.
Ha kani ka yalang da pynbna leh yei pyrtuid kiwa yoh ya ka President’s Home Guards & Civil Defence Medal For Meritorious Service cha u Homesingh Khongjoh, Havildar (HG), u Bipul Khongwir, Havildar (HG), u Ambrush A. Sangma, Havildar (HG) wa u Pynkhambor Harris Khongsngi, Senior Staff Officer (CD)
Da pynbna leh yei pyrtuid kiwa yoh ya ka President’s Police Medal for Distinguished Service cha u Prodenson Sangma, Havildar, 1st MLP Bn, Mawiong waka Police Medal for Meritorious Service cha u Upendra Mothey, ABSI, 2nd MLP Bn, Goeragre, u Kolan Swer, Havildar wa u Ram Bahadur Sonar, ABC/32, Tura.
Da pynbna leh ya kiwa jop ya ka Chief Minister’s Police Medal-2022 cha u Dr. L R Bishnoi, IPS, DGP, u Vivek Syiem, IPS, SP (City), ka Queenie A B Fancon, MPS, Asst. Commandant SF10, u Ravi K Sangma, MPS, North Garo Hills, u Marbin B Marak, MPS, 5th MLP Bn, Samanda, East Garo Hills, u Wisonroy Nongtdu, UBI, East Jaiñtia Hills, u Simseng A Sangma, UBI, In-Charge Special Operation Team/Anti Narcotic Task Force, East Khasi Hills, u Johnny Foster Thangkhiew, UBI, SB (HQ), u Samuel Wanniang Sainsyiem, UBSI, SB (HQ), ka Ibashisha Kharpran, WPSI West Jaiñtia Hills, u Nabin Chandra Barman, SBC, Special Branch, ka Rephika Mawlong, AB/WPC, Office of Superintendent of Police, East Khasi Hills, u Wanjop Pakyntein, C.OPR, MPRO HQ, Shillong, ka Ibanri Syngkli, WP.BNC, 6th MLP Bn, Umran wa u Siddarth Thapa, BNC, 1st MLP Bn.
U Lat da e kti u ya ka U Tirot Sing Award 2023 for Arts and Culture cha ka Sweetymon Rynjah, ka Pa Togan N Sangma Award 2023 for Social Service cha ka Dr. Jennifer V Basaiawmoit wa ka U Kiang Nangbah Award 2023 for Sports cha u Klingson D Marak.
Ha kani ka sngi da em leh ki chaad ki rwai wai pynyoo rong ya ki kari wa da pynriam da ki chnat sorkar (Tableau) wa pynyoo ya ki kreh, ki Scheme wa da pynkrehkaam kiwa kynthup ya ka chnat AH & Veterinary Department, ka DCIC-East Khasi Hills, Dairy Development, MSSDS, ka yung krehkaam u Chief Electoral Officer, ka Social Welfare Department, ka Meghalayan Age Limited, Horticulture Department, Fisheries Department, Soil & Water Conservation Department, Forest & Environment Department waka District Basin Development Unit-East Khasi Hills.
Yei naam Best Tableau da yoh nyngkong ka Horticulture Department, wa ar ka AH & Veterinary Department wa le ka DCIC-East Khasi Hills.
