Jowai : I kreh chitom yong ki Village Defence Party (VDP), ryngkat wa ka Dorbar Chnong kamjooh leh lyngba i yarap ki bor pulit ka Phramer Cell, ka chnong Mookaswan Neiñ Chnong, West Jaiñtia Hills District da kaam wa da ye ko u wanrah yei chongsuk hapoh ka chnong ka thaw.
I chong suk chong saiñ hapoh ka chnong da man ko kamni kattu la soo snem hapoh i yahkhmat u ma Ridon Shylla, ma Teni Shylla ki dkhot ka VDP chirup u Bloin Shylla uwa man kam u Waheh Chnong wa u Secretrary ka Chnong u ma Hopeful Chyrmang.
U ma Teni chirup wa u ma Bloin da ong ki wa ka chnong kreh ko ym du neibynta i chong suk næ wow pyndooh ya ki kaam sih hei jooh i por wow pynkhooid ya ka chnong ka thaw.
Neiliang ki VDP wa ki bor chnong da maham ki leh ya kiwon kiwon ki bru kiwa pynjakhlia ya ki rood sarok wa ki luti syngkieñ, lada chem ya kam kini ki bru daw pynchitom ya ki katkam ka aiñ.
Discussion about this post