Chrai u Ardent hadien wa ong u Conrad wym em yaar i rukom pyrkhat

Ka sngi wa 5 kawa man leh ka sngi wa khaddooh yong ka dorbar synrai da man ko kawa chit syndet hadien wa u MLA ka Liang Pyrchah na ka VPP, u Ardent Miller Basaïawmoit da dawa u na ka sorkar wa toh u sangeh noh u pynman ya ki tamasa waroh.

Ya ini i dawa u Ardent da pynyoo u hawa wanrah ya ka Call Attention, heiwa da ong u wa ymtoh iwa phylla wow yoo wa ha ki kyrdan waroh ka Meghalaya em ko cha tre dooh ha waroh ki liang.

Hajrong ini, u MLA ka Liang Pyrchah da dawa u na ka sorkar wow sangeh noh i pynman ya ki tamasa khamtam neidaw wa ban ka dooh ka duk wa kiwi de ki eh wa boon rukom wa ka jylla da yachem ko.

Hawa jubab u ya kani ka Call Attention, u Montri Rangbah ka jylla, u Conrad Sangma da ong u wa kini ki Report wa da pynmih toh pyn da kiwa pynmih leh ong ki wa ymtoh kawa tikna wei ki leh ong ki wa em hi i duna wei ym ye ko wow kdaw yeiwa sakhiat heiyatoh i yoh i kot ki bru.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa ka Meghalaya daw poi ko cha ka thong wow pynman kam ka $10 Billion Economy wei da yoo leh ki dak ki chin wei ymtoh iwa sih wow booh ya ka thong yow ku chakhmat.

U Conrad K Sangma da pynksan u wa ki tamasa ymtoh wow leh sñiawbha tangwa kiwa pynyoh nong ya kiwa boon wei daw pynman ya ka Cherry Blossom Festival kam kawi na ki tamasa wa waroh ki bru daw kwah ki u wan.

Chooh chooh da ong u wa ha ki por pynman hadooh ki bai Hotel leh da ye u pynku, i ye u dai ki dukan dai baam leh ku ki, ki khynroo khyllood yong i leh yoh rynsan ki wow pynyoo yei sap yong ki deilang wa kiwi ki bru kiwa na baar ri wei yow lai ka Meghalaya chakhmat emkaam ya kini ki tamasa wa ye u pynmih poisa wei yow pynku ya ka yaaw ka haat ymtoh deiwa pyndam u pynman ya ki tamasa.

Kamtæ da kyntu u ya kiwa mihkhmat wow pynyaar yei pyrkhat pyrdaiñ ki.

Hapyrdi wa jubab u Montri Rangbah, neiliang u Ardent da yieñ da pynsñiaw u yei pyrchah katkam ka Rule 54 wa 54 (2). Da ong u wa lada kwah wow yania smat u wow yania deiwa wanrah ha kawi ka rynsan næ pynjrong biang ya ka dorbar. U Ardent dei chrai da ong chooh chooh u wa du neidaw wa klam ya ki phang kiwa ktah ya ka jylla da ong wa toh wa khim i rukom pyrkhat.