Chrai u Titos yei rukom khut pynman dorbar ka KHADC hadooh wym yoh por u pynkhreh yei yatai

Mar ya sdang ka dorbar tlang ha Khasi Hills Autonomous District Council, da man ko kawa chit deiwa sngoh miej uwa yahkhmat ka Liang Pyrchah, u Titosstarwell Chyne, hawa kylli u yei rukom pynman wa yei khut dorbar da ka yung krehkaam u Chairman.

U Titos da pynsñiaw u yei chrai yei wym khut ya ka dorbar katkam ki kyndon deiwa ong wa da kheiñ ya ka dorbar kyrpang kam ka dorbar wa pura, kawa da wanrah yei kulmar wot ya ki sahep ka Council, wei kam ini ym pu jooh jia.

Da ong u wa i wanrah yong oo ya kani ka phang toh yow che wei khnang wa ka yung krehkaam u Chairman waka Executive Committee u pynkylla ki ya ka AD Rules.

U Titos da kylli u leh hajrong i pynpoi ya ki Bill cha ki MDC hachwa wow sdang ka dorbar, deiwa ong wa khlem e por ya ki MDC ka Liang Pyrchah wow puræ bniah hachwa wow yatai hapoh yung dorbar.

Related posts

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

U phah ka India ya 7 ngut ki MP na waroh ki Party wow lai cha ka UN yow batai yei yieñ pyrchah ya ki Terrorist  

May 17, 2025

Hajrong ini i khyrwit u Titos, neiliang u Chairman, u Lamphrang Blah da pynche wa ya kani ka dorbar da khut katkam ka Rule ymtoh deiwa sñiawthooh yong samen.

Katwa neiliang u Deputy CEM, Pynshngaiñ N Syiem da ong u wa i khut ya ka dorbar ha uni u bnai toh hadien wa da bood ya ki kyndon, neibhah ka kyndon da kdaw ko wa ka dorbar ymtoh u slem palat ya ka 4 bnai wei ym em i tyngkheiñ ya ka Rule 36.