Ka seiñ KSU East Jaiñtia Hills District Unit ynne da yachem ko ya u Symbood Montri Rangbah uwa man leh kam u Montri ka chnat PWD(R), u Prestone Tynsong yow yaklam neibynta u sarok NH-6 uwa da ieh khlem da pynchna da slem nadooh na Chohchrieh chadooh cha Malidor.
Ka seiñ da pyntip ko ha u Prestone wa uni u sarok toh uwa da yoo sarom u pait neibhah wot hapoh ka District Headquarter leh ha Khliehriat da sih u cha palatpood wei kiwi ki thaw da man u kam u sarok khloo wei uwa da dap sa du ki thlu wa heh kiwa da man kam ki nan khian.
Chooh chooh da ong wa heipor slap dap da ka um wei ktieh wei heipor tlang won sa du ki pum-pum wa hær wa da yoo chyrkhei hadooh wym man chngaaiñ de i lai luti lada dei kjat næ da ki kari.
Hajrong ini, neiliang u Prestone da ong u wa daw sdang noh i pynchna chwa u kut uni u bnai næ ha ka tayaaw wa nyngkong u Naichiphaw.
Discussion about this post