U Montri Rangbah ka jylla, u Conrad Kongal Sangma da ong u wa chwa u kut uni u Naisan daw yachem wa u Montri Rangbah ka Assam, u Himanta Biswa Sarma wow yaklam hajrong i pynbait ya u pood u ang.
Hawa kylli hajrong i kynaad wa da jia ha Khanduli, da ong u wa da yaklam na i por cha i por wa ki bor yong ka sorkar Assam, wei chwa wow kut u bnai daw yachem yow lai pait lai sylli lang leh ya kitu ki thaw wa em i kynaad wei wow e mynsien ya kiwa chong chnong wei kamjooh wow phah ya ki bor wa toh u pait yow kiar na iwon iwon i leh wa ye u ktah yei chongsuk.
Hawa kylli lada ini i kynaad ym ktah i yei yaklam suk, neiliang u Conrad da ong u wa i yaklam yasuk toh yow lait u mih de iwon iwon i kynaad kamwa da jia ha ki 50 snem wa da dep.
