Ha ka khubor wa da phah da uwi uwa chong chnong ka chnong Kdiap, da pyntip wa kawi ka manyung wa em hapoh ka chnong Kdiap hi wa dang haap hapoh ka 8-Moodop Umladang Constituency ka JHADC da chah pynlooid ko ya ki Tin sap yung wa da yoh kam ka Grant na u MDC uwa man leh kam u CEM ka JHADC, u Thombor Shiwat.
U tre yung wa tip kam u Augustine Sungoh da ong u wa hawa yoh ya kini ki Tin da ong ya oo wow rah ar ban wei lada kit tam leh hoi bait wei ya kini ki Tin da em wa wan booh heipor synyaaw wei ym tip u kiyi wa wan booh neibhah wa em u ha Jowai ha katæ ka sngi.
Da khana u wa kini ki Tin yung dadep pyndait ki la chi bnai tam wei kiwa da yoh u toh ar ban wei kiwi won toh ki yong oo hi wei daw pynuiñ noh ya kiwa da looid cha u Tymmen Wasan.
Da pyntip wa ya kini ki Tin da phah looid da u Tymmen Wasan hachwa wow thap Vote.
U Augustine da ong u wym em daw u wa uni u Tymmen Wasan wei hawa yoh ong ki hoi hi u kit tam ya kini ki Tin wei na itæ i daw da hap looid noh u wei ym em wa maham ya oo.
Discussion about this post