Heiyatoh wa i chah kawang Petrol Bomb ka Karbi Bhavan kawa em hajan ka Pine Mount School, Shillong iwa da jia hei miet ka 11 tarik, neiliang ki pulit da pyntip ki wa ki damok kiwa emkti ha ini i kaam toh kiwa da murieh yei dur deiwa sap da ki Mask.
Ini da jia i hadien wa mih biang i kynaad hapyrdi kiwa chong chnong ka Khanduli wa ki Karbi ha khappood ka West Jaiñtia Hills waka West Karbi Anglong District.
Ki pulit da pyntip ki wa hei miet ka 11 tarik heipor kamwa 8:15 da em kamwa 5-6 ngut ki khynroo Khasi kiwa da lai cha kani ka Karbi Bhavan kawa dang chna kattæ wei manda psiah ki cha kani ka thaw da kylli ki ya uwa yang sonteri (Private Security Guard) wa lada oo toh u Khasi heiwa da jubab u wa toh hi, kamtæ da phah ki ya oo wow mih noh.
Kini da lai ku ki cha ka mala wa nyngkong wei da pynkop ki ya uwi u Petrol Bomb uwa da noh ki hapoh kani ka yung tangwa ym em ktah iyi iyi ya ka yung lait noh ya ki Tiles kiwa da dep siang.
