Chwa wow wan u Prime Minister ka ri, u Narendra Modi cha Manipur iwa nyngkong nadooh wa sdang i awri ha katai ka jylla nadooh u Naisan 2023, da phah ya ki MLA da u Lat ka jylla, u Ajay Bhalla wow yaklam wa ki paidbah ki Constituency yong ki wow pynneh yei chongsuk chwa wow wan u Modi.
Hanla ympu em u tikna yei wan u Modi, u Bhalla da khut u ya ki MLA cha Raj Bhavan ynnin ka sngi heiwa da em ki 20 ngut kiwa kynthup ya u Chief Minister warim u N Biren Singh, u Speaker u Th Satyabrata Singh wa u heh ka BJP ha Manipur, u A Sharda Devi.
Ha ka yalang da pyntip wa ye u Modi wow wan ha ka 13 tarik hadien wa pyndep kaam u ha Mizoram ha i step katai ka sngi.
U Modi ye u leh wow lai cha Churachandpur wa boon ki jaitbru Kuki-Zo heiwa da em i pynkhreh ha Peace Ground. Neini ye u wow lai cha Kangla Fort ha Imphal heiwa daw klam paidbah u wei neitæ won cha Imphal Airport heipor 3:30 wow lai cha Assam.
U Modi daw yachem u leh wa kiwa mihkhmat na ki bru wa da chah ktah ha i awri ha Manipur kamjooh leh ki MLA ha Kangla Fort.
Da phah leh ya ki MLA wow phah ya ki kyntien cha ki paidbah wow pynneh yei chongsuk heipor wa wan u Modi.
Discussion about this post