Ka Meghalaya da ye ko wow pynhaap lut ya ki Wicket ka Mizoram deiwa yoh 226 ha ka sngi nyngkong ka Col CK Nayudu Trophy ha Cuttack ynne ka sngi.
Ka Mizoram da jop ko yaka kylla khlem wei da jied ko wow Bat nyngkong tangwa da dooh ko ya ka Wicket khlem da kamai chi Run leh ha ka Over wa nyngkong ha u Abhishek Kumar uwa da yoh 2/25 hadooh wa kut ka sngi.
Awjan waroh kiwa Bat ka Mizoram da ye ki wow kamai tangwa da hap ki wow yang hadooh wa poi uwa Bat heiwa khynde yow kamai deiwa boon uwa da yoh 52 Run khlem haap.
U Bipin Kumar Ray (3/57) wa u Agreas Chamcham Sangma (3/72) toh kiwa lehbha dooh na kiwa kawang bol ka Meghalaya katwa u Mickey Marngar (1/33) da yoh u chi Wicket.
Ka Mizoram da Bat ko 74 Over, kamtæ ka Meghalaya da yoh ko wow Bat chi kynta heiwa u Arien B Sangma (9 Not Out) wa u Ibitlang Thabah (10 Not Out) da kamai lang ki 19 Run khlem haap iwa dang bood da 207 Run ya ka Mizoram.
