Ka Meghalaya da dooh ko 7 tylli ki Wicket chwa ka por baam ja sngi ynne ka sngi kawa man leh ka sngi wa soo wei ka sngi wa khaddooh ka U-19 Men’s Cooch Behar Trophy pyrchah yaka Nagaland deiwa rem da 252 Run haka madan ka MCA wa em ha Polo, Shillong.
Da sdang ya kani ka sngi deiwa pteiñ na 120/3, deiwa emkaam sa 335 Run yow jop tangwa ka Meghalaya da dooh lut ko ya ki Wicket deiwa kamai 202 Run.
Kam wow pynkynmoo, ka Nagaland da yoh ko 245 All Out haka Innings wa nyngkong wei da yoh won ko 319/4 Declared haka Innings wa ar katwa ka Meghalaya won da yoh ko 110 All Out haka Innings wa ar.
U Kishlay Vishlux da neh slem u deiwa kamai 36 na 141 bol deiwa kamai 5 Run ynne. U Shavian Blah da haap u hadien wa kamai 21 Run deiwa pteiñ na 18 Run ynnin wei kiwi ki Wicket da pteiñ ki wow haap khlem em kiwa ye u neh slem.
Uwa Bat hei chiphaw, u Charm Marbaniang da pynslem u yei rem deiwa kamai 21 Run tangwa da haap noh u ha u Rajesh Das.
Ka Meghalaya kattu daw yachem ko waka Sikkim haka 1 tarik u Kmaichonglad ha Rangpo, Sikkim.
Discussion about this post