Kiwa yalehke U-19 ka Meghalaya da psiah Final ki ha ka Cooch Behar Trophy deiwa jop yaka Arunachal Pradesh da 297 Run ha ka yalehke Semi Final wa da pynman ha Anand, Gujarat ynne.
Ynne i step kawa man leh ka sngi wa le kani ka yalehke, ka Meghalaya da kut ka Innings wa ar ko deiwa haap lut ki Wicket deiwa kamai 287 hadien wa pteiñ na 280/6. We ini mut i wa ka Arunachal da emkaam ko 425 yow jop.
Ka Meghalaya haka Innings wa nyngkong da kamai ko 220 katwa ka Arunachal da yoh ko 83.
Ka Arunachal haka Innings wa ar da kamai ko 127 deiwa haap lut ki Wicket.
Ka Meghalaya kattu daw yachem ko waka Nagaland haka Final wa daw pynman ha kani ka 29 tarik. Ka Nagaland da jop ko yaka Sikkim yow psiah Final.
Ka Meghalaya da dep rem ko ha ka Nagaland heipor wa yachem ki ha kani ka Tournament.
Discussion about this post