Ka kjut sang kawa phylla,
Khreh poi ko hapoh jylla,
U Corona næ khut ki oo,
Kaw pyrchit se i dur yong oo,
Na China da joh u cha pyrthai,
Daw poi u cheini ma-ai?
Ong ki em dawai re wa ye u sumaar
Manda pykhat tæ sñiaw kulmar.
Ong haroh wa da ki hajar wa da yap
Sñiawtieñ kam uni u pap,
Kiwa kjut leh da ki lak
Ka khlam da yoo na ki dak.
U sait kti dei sabon u pynjoor,
Yoh u lait uni u khñiang u poor,
Hoiræ u tba cha ktien, khmat, khmut,
Ya yoh uni u khñiang kamwa mut.
Para bru hoiræ u yajan,
Ya yoh uni u bhai u ban,
Te dam chwa u laike
Dam haroh ka uiñke,
Kset sbak hapoh yung,
Sumaar ya kiwa dang lung,
Syndong ya kiwa da heh da tymmen
Hoiræ hiwot u kjut ki woh ki men.
Kini rap eh hi u chait,
La yoh u Corona u dait,
Ye bait i u beh,
La ye tang u pyn-eh.
La ye won da u Corona
Du kattæ donhi da mynkna.
Da u PS Roy, Agartala, Tripura.
Uwa jooh lai puræ ha Jowai Govt. HS & MP School, kawa katni ka Govt. Boys High School. Yaka Graduation da pyndep u na Sanmala Jowai Govt College, kawa katni ka Kiang Nangbah Govt College. Jooh sah u ha Wahnangbah, Mynthong wa Ladthadlaboh, Jowai.
Discussion about this post