Kiwa dang yoh COVID-19 ha India dang pteiñ ki wow duna heiwa kiwa dang yoh ha kini ki 24 kynta toh iwa duna dooh ha kini ki 50 sngi wei kiwa chait dang pteiñ ki wow boon ya kiwa dang yoh la 18 sngi khlem sangeh wei ka Positivity Rate namo ki bru wa yoh ya u khñiang na kiwa chah Test da neh ko hapoh 10% la 7 sngi kattu.
Kiwa dang yoh ha kini ki 24 kynta da em ki 1,52,734 ngut, kiwa dang chait da em ki 2,38,022 ngut, kiwa dang yap 3,128 ngut iwa mut wa kiwa dang em ya uni u khñiang da hiar ki da 88,416 ngut.
Ha kini ki 24 kynta da em leh du 5 tylli ki jylla wa boon da kiwa dang yoh ya kiwa chait kiwa ha Dadra & Nagar & Daman & Diu wa boon kiwa dang yoh 6 ngut, Lakshadweep 28 ngut, Manipur 452 ngut, Nagaland 67 ngut wa ha Sikkim 130 ngut.
Ha kini ki 24 kynta da em 6 tylli ki jylla wa em palat 10,000 ngut kiwa dang yoh kiwa boon dooh ha Tamil Nadu 28,864 ngut, Karnataka 20,378 ngut, Kerala 19,894 ngut, Maharashtra 18,600 ngut, Andhra Pradesh 13,400 ngut wa ha West Bengal 11,284 ngut.
Ki jylla wa em palat 1 lak ngut kiwa dang chah ktah da em 5 tylli kiwa boon dooh ha Karnataka 3,42,031 ngut, Tamil Nadu 3,05,546 ngut, Maharashtra 2,74,601 ngut, Kerala 2,24,120 ngut wa ha Andhra Pradesh 1,65,795 ngut.
Ha kini ki 24 kynta da leh 16,83,135 tylli ki Test heiwa kiwa yoh ya uni u khñiang na kiwa chah Test da em ki 9.07% iwa da man wa la 7 sngi da neh hapoh 10%.
Waroh kiwa da chait da em ki 91.60% kiwa em 2,56,92,342 ngut, kiwa dang chah ktah da em ki 7.22% kiwa em 20,26,092 ngut, kiwa yap 1.17% kiwa em 3,29,100 ngut, deilang dapoi 2,80,47,534 ngut kiwa da dep yoh ya uni u khñiang hapoh ka ri.
Heiyatoh wa i e tika hapoh ka ri, da dep wow e la 21,31,54,129 sien.
