Kiwa dang yoh COVID-19 ha India da pteiñ ki wow duna katwa dang lai ki sngi heiwa ha kini ki 24 kynta da em 1,65,533 ngut kiwa dang yoh iwa man leh iwa duna dooh ha kini ki 46 sngi wa da lai wei da neh ki leh hapoh 2 lak ngut la le sngi khlem sangeh.
Kiwa dang chait na u COVID-19 ha India da pteiñ ki wow boon ya kiwa dang yoh la 17 sngi khlem sangeh kiwa em 2,76,309 ngut, kiwa dang yap da em ki 3,460 ngut iwa mut wa kiwa dang em ya uni u khñiang da hiar ki da 1,14,216 ngut.
Ki dak wa da sdang jop ya ka khlam dang pteiñ ki heiwa ha kini ki 24 kynta da em du 6 tylli ki jylla wa boon da kiwa dang yoh ya kiwa chait kitæ ha Arunachal Pradesh wa boon da kiwa dang yoh 64 ngut, Assam 1631 ngut, Manipur 428 ngut wa ha Tripura 123 ngut.
Da em leh du 6 tylli ki jylla wa em palat 10,000 ngut kiwa dang yoh kiwa kynthup ya ka Tamil Nadu 30,016 ngut, Kerala 23,513 ngut, Karnataka 20,628 ngut, Maharashtra 20,295 ngut, Andhra Pradesh 13,756 ngut wa ha West Bengal 11,514 ngut.
Ki jylla wa em palat 1 lak ngut kiwa dang chah ktah da em ki ha ki 6 tylli kiwa boon dooh ha Karnataka 3,50,087 ngut, Tamil Nadu 3,10,157 ngut, Maharashtra 2,79,347ngut, Kerala 2,33,425 ngut, Andhra Pradesh 1,73,622 ngut wa ha West Bengal 1,02,398 ngut.
Ha kini ki 24 kynta da leh 20,63,839 tylli ki Test heiwa kiwa yoh ya uni u khñiang (Positivity Rate) da em ki 8.02% heiwa ha kani ka tayaw deiwa kheiñ yonglang ka Positivity Rate da man ko 9.36%.
Waroh kiwa da chait da em ki 91.25% kiwa em 2,54,54,320 ngut, kiwa dang chah ktah da em ki 7.58% kiwa em 21,14,508 ngut, kiwa yap 1.17% kiwa em 3,25,972 ngut, deilang dapoi 2,78,94,800 ngut kiwa da dep yoh ya uni u khñiang hapoh ka ri.
Heiyatoh wa i e dawai tika hapoh ka ri, da dep wow e la 21,20,66,614 sien heiwa ha kini ki 24 kynta da dep wow e la 30,35,749 sien.
