Kiwa chait na u COVID-19 ha India ha kini ki 11 sngi da em ki 10 lak ngut heiwa ha u Naiynru (June) da em 1 lak ngut donhi heiwa hadooh ynne ka sngi da tam 50 lak ngut deiwa em 50,16,520 ngut kiwa da dep chait.
Ha kini ki kajiak sngi deiwa kheiñlang da em palat 90,000 ngut kiwa chait man-ka-sngi heiwa ynne da hiar cha ka 74,893 ngut.
Kiwa chait leh da tam ki da 5 chah ya kiwa dang em ya uni u khñiang heiwa kiwa chait leh da em ki 82.58% hapoh ka ri.
73% kiwa dang chait toh na ka jylla Maharashtra, Karnataka, Andhra Pradesh, Uttar Pradesh, Tamil Nadu, Delhi, Kerala, Odisha, West Bengal wa Punjab.
78% won na waroh kiwa da dep chait da em ki ha ki 10 tylli ki jylla heiwa kiwa boon dooh kiwa da dep chait da em ki ha Maharashtra pynbood saka Andhra Pradesh wa Tamil Nadu.
84% na kiwa yap da em ki ha ki 10 tylli ki jylla. 36% kiwa yap ynnin da em ki ha Maharashtra kiwa em 380 ngut pynbood won saka Tamil Nadu wa Karnataka kiwa em 80 wa 79 ngut.
