Ynne kawa man ka sngi wa 9 wa em kiwa dang yoh COVID-19 hapoh 50 hajar ngut, kiwa dang yoh ha kini ki 24 kynta da em ki 30,548 ngut iwa duna dooh ha kini ki soo bnai nadooh ka 15 tarik u Naiynñiaw (July). Kiwa dang chait da em ki 43,851 ngut, kiwa dang yap 435 ngut iwa mut wa kiwa dang em ya uni u khñiang da duna ki da 13,738 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Delhi 7,606 ngut, Kerala 6,684 ngut, West Bengal 4,480 ngut, Maharashtra 3,065 ngut, Tamil Nadu 2,520 ngut, Karnataka 2,363 ngut wa ha Andhra Pradesh 2,140 ngut.
Ha kini ki 24 kynta da em leh 26 tylli ki jylla kiwa da boon kiwa chait ya kiwa dang yoh kiwa boon dooh wa tam kiwa chait ha Delhi 4,466 ngut, Kerala 2,124 ngut, West Bengal 1,478 ngut, Andhra Pradesh 1,098 ngut, Telangana 1,040 ngut, Karnataka 819 ngut, Tamil Nadu 713 ngut, Odisha 610 ngut wa ha Maharashtra 581 ngut.
Waroh kiwa da chait da em ki 93.27% iwa ku naka 93.09% kiwa em 82,49,579 ngut; kiwa dang em ya uni u khñiang da em ki 5.26% kiwa hiar naka 5.44% kiwa em 4,65,478 ngut; 1.47% kiwa yap kiwa em 1,30,070 ngut iwa da poi waroh 88,45,127 ngut kiwa da dep yoh ya uni u khñiang hapoh ka ri.
Kiwa da chait da tam ki da 77,84,101 ngut ya kiwa dang em ya uni u khñiang iwa ku da 57,589 ngut nadooh ynnin ka sngi.
