Hadooh 5:45 ynne i miet ka 24 tarik, ka Ministry of Health & Family Welfare ka sorkar India da pyntip ko wa kiwa em ya u khñiang COVID-19 (Active Cases) da em ki 470 ngut iwa ku da 46 ngut nadooh ynnin i miet.
Ki jylla wa da em uni u khñiang da ku i cha ki 24 tylli hadien wa em kawi kawa yoh COVID-19 ha Manipur.
Da pyntip leh kiwa da chait da ku ki cha 40 ngut naka 35 ngut. Lada kheiñlang ya waroh kiwa dang em ya uni u khñiang wa kynthup ya ki tre ri wa ki baar ri, kiwa da chait wa kiwa da khlaad da poi waroh 568 ngut.
Ki jylla kiwa da ku kiwa yoh ya u COVID-19 katakam ka yukheiñ ka MoHFW man ki kamni ha wah:
Ha Andhra Pradesh da em 8 ngut iwa ku naka 7 ngut, ha Bihar da em 3 ngut iwa ku na 2 ngut, ha Delhi da em 30 ngut iwa ku na 29 ngut wei da chait sa uwi, ha Gujarat da em 32 ngut iwa ku na 29 ngut, ha Haryana da ku cha 14 ngut naka 12 ngut, ha Karnataka da ku cha ka 37 ngut naka 33 ngut, ha Kerala da ku cha 87 ngut naka 60 ngut, ha Madhya Pradesh da em 7 ngut naka 6 ngut, ha Maharashtra da ku cha 86 ngut naka 71 ngut, ha Punjab da ku cha 29 ngut naka 21 ngut, ha Rajasthan da ku cha 30 ngut naka 26 ngut, ha Tamil Nadu da ku cha 13 ngut naka 7 ngut, ha Telengana da ku cha 25 ngut naka 22 ngut, ha Chandigarh da ku cha 7 ngut naka 6 ngut, ha Uttar Pradesh da ku cha 32 ngut naka 30 ngut katwa ha West Bengal da ku cha 9 ngut na 7 ngut.
Discussion about this post