Ha kini ki 24 kynta da em 11,264 ngut kiwa chitom na u COVID-19 kiwa da chait hapoh India iwa man iwa boon dooh kiwa chait haka chi sngi iwa da pynpoi ya waroh kiwa chait cha 82,369 ngut.
Ini da pynpoi ko yei em kiwa chait cha 47.40% iwa ku da 4.51% nadooh ynnin wa em 42.89%.
Deiwa boon kiwa chait, iwa em kiwa dang chah ktah (Active Case) leh da hiar i naka 89,987 ngut wa em ynnin ka sngi cha 86,422 ngut hadooh ynne.
Hadooh ynne ka 30 tarik i ku archah kiwa chah ktah toh man ka man ka 13.3 sngi wei ini da ku i cha 15.4 sngi ha kini ki 3 sngi.
Hadooh ka 29 tarik, da em 2.55% kiwa man Active kiwa em hapoh ka ICU, 0.48% kiwa chah pyndait Ventilators wa 1.96% kiwa emkaam Oxygen Support. I bor wow Test hapoh ka ri leh da ku i deiwa em 462 tylli ki Government Laboratory wa 200 tylli ki Private Laboratories. Waroh ki Test wa da pyndep toh 36,12,242 tylli wei ynnin ka sngi da Test 1,26,842 tylli ki Sample.
Hapoh ka ri da em 942 tylli ki COVID Hospital deiwa em 1,58,908 ki thaw thiah wow booh samen bru, 20,608 tylli ki ICU Bed wa 69,384 tylli ki Oxygen Supported Beds. Da em leh 2,380 tylli ki COVID Health Centres kiwa em 1,33,678 ki thaw thiah wow booh samen bru; 10,916 tylli ki ICU Beds wa 45,750 tylli ki Oxygen Supported Beds.
Da booh leh 10,541 tylli ki Quarantine Centres wa 7,304 tylli ki COVID Care Centres kiwa em 6,64,330 tylli ki thaw thiah wow yaleh pyrchah ya u COVID-19 hapoh ka ri. Ya kini ki Centre da e leh 119.88 lakh ki N95 Masks wa 96.14 lakh ki Personal Protective Equipment (PPEs).
Ka kyrwoh naka laad pathai khubor ka sorkar pyrdi ka PIB.
Discussion about this post