Kiwa dang yoh COVID-19 ha India dang pteiñ hi ki wow duna heiwa ha kini ki 24 kynta kiwa dang yoh da em ki 38,073 ngut iwa duna dooh ha uni u bnai wei ka sien wa ar wa em hapoh 40 hajar ngut (38,310 ngut haka 3 tarik), kiwa dang chait da em ki 42,033 ngut, kiwa dang yap da em ki 448 ngut iwa mut wa kiwa dang em ya uni u khñiang da duna ki da 4,406 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Delhi 7014 ngut, Kerala 5983 ngut, West Bengal 4396 ngut, Chhattisgarh 2709 ngut, Karnataka 2686 ngut wa ha Tamil Nadu 2308 ngut.
Ha kini ki 24 kynta da em leh 23 tylli ki jylla wa tam da kiwa chait ya kiwa dang yoh kiwa boon dooh wa tam ha Kerala 2412 ngut, Delhi 2062 ngut, Chhattisgarh 1140 ngut, Telangana 658 ngut wa ha West Bengal 545 ngut.
Waroh kiwa da chait da em ki 92.64% iwa ku naka 92.56% kiwa em 79,59,406 ngut; kiwa dang em ya uni u khñiang da em ki 5.88% iwa hiar naka 5.96% kiwa em 5,05,265 ngut; kiwa yap da em ki 1.48% kiwa em 1,27,059 ngut iwa da poi 85,91,730 ngut kiwa da dep yoh ya uni u khñiang hapoh ka ri.
Kiwa chait da tam ki da 74,54,141 ngut ya kiwa dang em ya uni u khñiang iwa ku da 46,441 ngut nadooh ynnin ka sngi.
