Kiwa chah ktah ha u COVID-19 ha India da em biang ki palat 30 hajar la soo sngi heiwa ha kini ki 24 kynta hadooh ynne i step ka 19 tarik da em 38,902 ngut iwa man leh iwa boon dooh hadooh ynne ka sngi, katkam ka yukheiñ ka Ministry of Health & Family Welfare waka ICMR.
Ha kini ki 24 kynta, kiwa chait da em ki 23,672 ngut, kiwa yap da em sa 543 ngut katwa kiwa dang em ya uni u khñiang da ku da 14,687 ngut.
Ki jylla wa boon dooh wa ku kiwa dang em ya uni u khñiang toh ka Karnataka 3,426 ngut, ka Maharashtra 2,898 ngut, ka Andhra Pradesh 2,446 ngut, ka Tamil Nadu 1,670 ngut waka Assam 1,210 ngut.
Na ki jylla wa hiar kiwa dang em ya uni u khñiang, ha Delhi kattu da man 12 sngi wa duna kiwa dang em ya uni u khñiang deiwa hiar sa 524 ngut wei da ini da em ko heiwa 2 hapoh ka ri yeiwa em kiwa chait namo ka Recovery Rate kawa man 83.29% kiwa em 1,01,274 ngut katwa kiwa dang em ya uni u khñiang da em ki 16,711 ngut.
Hapoh ka ri kiwa chait da em ki 62.86% iwa da hiar naka 63.33% kiwa em waroh 677,423 ngut, kiwa dang em ya uni u khñiang da em ki 34.65% iwa ku naka 34.53% kiwa em 373,379 ngut katwa kiwa yap da em ki 2.49% kiwa em waroh 26,816 ngut. Waroh da em 10,77,618 ngut.
Kiwa chait da tam ki da 3,04,044 ngut ya kiwa dang em ya uni u khñiang iwa ku da 8,985 nadooh ynnin.
