La 6 sngi kattu ha India da boon biang da kiwa dang chait bar ya kiwa dang yoh COVID-19 kiwa em 86,506 ngut katkwa kiwa chait da em ki 87,374 ngut iwa mut wa kiwa dang em ya uni u khñiang da hiar ki da 1,995 ngut wei da em leh sa 1,129 ngut kiwa dang yap katkam ka yukheiñ ka Ministry of Health & Family Welfare.
Ki jylla wa boon dooh kiwa dang chait toh ha Maharashtra 19,476 ngut, Andhra Pradesh 8,291 ngut, Uttar Pradesh 6,506 ngut, Karnataka 5,460 ngut, Tamil Nadu 5,363 ngut, Chhattisgarh 4,772 ngut, Delhi 4,465 ngut wa ha Odisha 4,052 ngut.
Na ki jylla wa da hiar dooh kiwa dang em ya uni u khñiang ha kini ki 24 kynta toh ha Chhattisgarh 2348 ngut, Jammu & Kashmir 1567 ngut, Uttar Pradesh 1450 ngut wa ha Andhra Pradesh 1108 ngut.
Kiwa da chait hapoh ka ri da em ki 81.55% iwa ku naka 81.25% kiwa em 46,74,987 ngut; kiwa dang em ya uni u khñiang da em ki 16.86% iwa hiar naka 17.15% kiwa em 9,66,382 ngut katwa kiwa yap da em ki 1.59% kiwa em 91,149 ngut. Waroh kiwa da dep yoh ya uni u khñiang da em ki 57,32,518 ngut.
Kiwa chait da tam ki da 37,08,605 ngut ya kiwa dang em ya uni u khñiang iwa ku da 89,369 ngut nadooh ynnin ka sngi.
