La 3 sngi ha uni u snem kiwa dang yoh COVID-19 ha India da em ki hapoh 20,000 ngut heiwa ha kini ki 24 kynta kiwa dang yoh da em ki 16,504 ngut, kiwa dang chait da em ki 19,557 ngut, kiwa dang yap 214 ngut, iwa mut wa kiwa dang em ya uni u khñiang da duna ki da 3,267 ngut.
Ki Test wa da dep leh ha India da tam ki 17.5 klur (17,56,35,761) heiwa ha kini ki 24 kynta da Test ya 7,35,978 tylli ki nongmuna. Ha kini ki 11 sngi wa da dep da Test ya palat 1 klur tylli, wei kiwa yoh na kiwa Test waroh em ki 5.89% kawa tip leh kam ka Positivity Rate.
77% na kiwa dang chait toh kiwa em ha ki 10 tylli ki jylla kiwa boon dooh ha Kerala 4,668 ngut, Maharashtra 2,064 ngut, West Bengal 1,432 ngut, Chhattisgarh 1,237 ngut, Uttar Pradesh 1,179 ngut, Tamil Nadu 1,002 ngut, Madhya Pradesh 947 ngut, Gujarat 938 ngut, Rajasthan 801 ngut wa ha Karnataka 743 ngut.
84% na kiwa dang yoh toh kiwa em ha ki 10 tylli ki jylla kiwa boon dooh ha Kerala 4,600 ngut, Maharashtra 3,282 ngut, West Bengal 896 ngut, Tamil Nadu 867 ngut, Karnataka 810 ngut, Uttar Pradesh 737 ngut, Madhya Pradesh 724 ngut, Gujarat 715 ngut, Chhattisgarh 714 ngut wa ha Rajasthan 502 ngut.
Waroh kiwa da chait da em ki 96.19% iwa ku naka 96.16% kiwa em 99,46,867 ngut; kiwa dang em ya uni u khñiang da em ki 2.36% kiwa hiar naka 2.39% kiwa em 2,43,953 ngut; 1.45% kiwa yap kiwa em 1,49,649 ngut, deilang da em 1,03,40,469 ngut kiwa da dep yoh ya uni u khñiang hapoh ka ri.
Kiwa chait da tam ki da 97,02,914 ngut ya kiwa dang em ya uni u khñiang iwa ku da 22,824 ngut nadooh ynnin ka sngi.
