Hadien ar sngi wa boon da kiwa dang yoh COVID-19 ha India, ha kini ki 24 kynta da boon biang da kiwa chait kiwa em 38,740 ngut, kiwa dang yoh 35,342 ngut wa 483 ngut kiwa yap. Iwa mut wa kiwa dang em ya uni u khñiang da hiar ki da 3881 ngut. Kiwa dang yoh da neh ki hapoh 50,000 ngut la 26 sngi.
Ynnin ka sngi da em 12 tylli ki jylla wa boon da kiwa dang yoh ya kiwa chait wa boon dooh wa tam da kiwa dang yoh ha Mizoram 548 ngut, Meghalaya 192 ngut wa ha Sikkim 103 ngut.
Ki jylla wa boon dooh kiwa dang chah ktah toh ha Kerala (1,29,381), Maharashtra (97,513), Karnataka (24,718), Tamil Nadu (25,526), Andhra Pradesh (23,571), Odisha (17,466), Assam (16,205), West Bengal (12,205) wa ha Telangana (9,857).
Ki jylla wa duna dooh wa em kiwa dang chah ktah toh ha Andaman & Nicobar Islands (19), Chandigarh (34), Dadra and Nagar Haveli and Daman and Diu (36), Lakshadweep (67), Ladakh (83), Madhya Pradesh (185), Jharkhand (305), Rajasthan (360), Gujarat (370), Delhi (585), Uttarakhand (649), Bihar (597) wa ha Haryana (765).
Ynnin ka sngi da leh 16,68,561 tylli ki Test heiwa kiwa chah ktah da em ki 2.12% kawa tip leh kam ka Positivity Rate kawa da neh hapoh 3% la 32 sngi.
Heiyatoh wa i e tika, da tam 42 klur sien wa da dep e iwa da poi 42,34,17,030 sien hadien wa e 54,76,423 sien ynnin ka sngi.
Waroh kiwa da chait da em ki 97.36% kiwa em 3,04,68,079 ngut, kiwa dang chah ktah 1.30% kiwa em 4,05,513 ngut, kiwa yap 1.34% kiwa em 4,19,470 ngut, deilang dapoi 3,12,93,062 ngut kiwa da dep yoh ya uni u khñiang hapoh ka ri.
